logo
logo
logo

Милошоски:

„Уставот не треба да се отвора за да се додаваат други заедници или народи, досега ништо не добивме со попуштање“

Vecer | 28.01.2022

„Уставот не треба да се отвора за да се додаваат други заедници или народи, досега ништо не добивме со попуштање“

Она што го прават Бујар Османи и Ковачевски е надвор од Резолуцијата. Резолуцијата која ја донесовме во Собрание, треба да се разговара рамноправно на основа и да има реципроцитет. Не може Македонија 30 години секогаш нешто да отстапува да прави концесии, да попушта и на крај ништо да нема за возврат, изјави пратеникот на ВМРО-ДПМНЕ, Антонијо Милошоски за „Тема на денот“ во дневникот на Сител, запрашан за барањето Бугарите да бидат внесени во македонскиот Устав.

Милошоски вели дека не треба така лекомислено да се даваат било какви ветувања и да се преземаат обврски за дополнително менување на Уставот.

-  Што би добиле ние со тоа, дали ќе станеме членка на ЕУ, дали ќе ги признаат Македонците во соседните држави? ВМРО-ДПМНЕ смета дека такви обврски не треба да се преземаат, Уставот беше отворан без да донесе подобрување во реалниот живот и затоа не треба повторно да се отвора и да се додаваат било какви други заедници, народи или што и да е, рече тој.

Милошоски нагласи дека Власта на СДСМ и ДУИ последниве 5 години македонскиот Устав го претвори во бесплатен драгстор за соседите и секој кој сака да си го потхрани својот национализам  доаѓа зема нешто од нашиот Устав и на штета на македонските граѓани и достоинството на Македонија.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk