Христијан Мицкоски, лидерот на ВМРО-ДПМНЕ се огласи на „Фејсбук“ по повод денешната гужва на ГП Табановце, каде што голем број на граѓани заминаа во Србија за да примат вакцина.
Мицкоски напиша дека тоа најдобро ја отсликува неспобноста на власта.
„Денес колоните возила за соседна Србија најдобро ја покажуваат бедата и неспособноста на владата и Зоран Заев. Тоа покажува и колку народот им верува на властите кои најавија вакцини за утре. Државата постои за да им служи на граѓаните, само кај нас државата постои за да биде крадена од власта.
Македонија живее полоши години од деведесеттите, стигнавме до таа точка народот сам да се снаоѓа и бори за живот, кога веќе тоа не го прави Владата.
Порака до власта: погледнете го својот народ, погледнете ги колоните возила, тоа е вашиот срам. Ова нема да се заборави, одговорност ќе има.“, напиша Мицкоски.
Денес колоните возила за соседна Србија најдобро ја покажуваат бедата и неспособноста на владата и Зоран Заев. Тоа...Posted by Hristijan Mickoski on Saturday, March 27, 2021
