Во зима, Скопје, главниот град на Македонија, е еден од најзагадените градови во Европа.
Според проценките на студијата на Светска банка, над 1000 луѓе годишно умираат како резултат на загадувањето на воздухот во Македонија, држава која има само 2 милиони население, објави Еуроњуз.
Здравствената мрежа на Југоисточна Европа е регионална организација со локација во Скопје. Таа има за цела да ги поттикнува здравјето и благосостојбата меѓу земјите-членки и да работи активно во областа поради алармантната состојба.
Мира Јовановски Дашиќ, директор на Здравствената мрежа на Југоисточна Европа вели дека извештајот направен од експерти од нејзините земји-членки покажува дека „е јасно дека штетата од загадувањето на воздухот врз здравјето е исклучително голема, а последиците може да се видат на срцевите заболувања, алергии и карциноми“.
Неколку истражувања покажаа дека некои потрошувачи на енергија од големи размери користат гориво забрането за употреба според европските регулативи. Но, бидејќи Македонија се обидува да стане членка на ЕУ, прилагоди голем дел од законодавството за да одговара на нормите на ЕУ. Сега, јавноста и нејзините претставници сакаат да знаат како ова усогласување на законодавството навистина ќе влијае на нив.
"Particulate air pollution in Skopje is responsible for 1,300 premature deaths per year, so we can’t further deny the interconnectedness of economy, environment and health", says Narine Sahakyan, @UNDPMK Resident Representative.#WorldHealthDay @WHO_Europe pic.twitter.com/4Je5SjyJQ9
— WHO North Macedonia (@WHOMKD) April 29, 2021
Насер Нуредини, министер за животна средина во Македонија, вели дека земјата треба да ги спроведува своите закони. „Не можеме само да ги усогласиме“, објаснува тој.
„Треба да работиме на различни фронтови. Ова е причината зошто треба да имаме подобра меѓусекторска соработка“. Тој вели дека Министерството за животна средина предложило нови закони, но за него, не е доволно само да се донесат во парламентот. Тој смета дека треба да се работи заедно со инспекторат, другите министерства и агенциите за нивно спроведување.
Конверзијата на словото на законот во реалноста е една од најголемите системски слабости на земјите во транзиција, како што е Македонија. Европската комисија ја забележува оваа хронична слабост во сите свои извештаи за напредокот.
Засега, граѓаните сè уште чекаат владата да ги спроведе препораките на ЕК кои на жителите на Скопје се очекува да им дадат дишење на свеж воздух.
https://www.youtube.com/watch?v=D6xs9ykfhEw