Кумановскиот градоначалник, Максим Димитриевски не се согласува со тоа што премиерот Зоран Заев го разреши Пауновски заради пркос.
Одлуката да Стојко Пауновски биде разрешен од местото директор на Државниот пазарен инспекторат, затоа што не сакаше да ги вработи сите 35 рамковни вработени за кои велеше дека само 12 ги исполнуваат условите, наиде на поделеност во СДСМ.
Димитриевски се приклучи кон многубројните јавни личности кои дадоа поддршка за, сега веќе разершениот на Државниот инспектора, Стојко Пауновски. Димитриевски порача дека се соочил со слична ситуација како градоначалник, па не повлекол таков потег за разрешување.
Пауновски постапи професионално и етички. Се обиде да изгради една многу важна институција во Македонија. Го разбирам Пауновски. Мене директор на Комунално ми рекол дека не ми вработува луѓе, па не сум го разрешил, рече Димитриевски во „Студио 10“ на ТВ 24.
