Ангел Димитров координатор на бугарската страна од историската комисија помеѓу Македонија и Бугарија во однос на најновата средба се пожали дека со македонските историчари нема да се постигне договор за Гоце Делчев.

„Досега бев убеден дека, и покрај сериозните проблеми, и покрај темелните разлики што постојат меѓу нас и нашите колеги од Скопје, ние сме Мешовита комисија за историски и образовни прашања, но од денешниот 14-ти состанок, почнувам да се прашувам дали навистина е така“ рече Димитров.

Тој додаде дека македонските историчари одбиле за дискутираат за конкретна тема.

Тој рече дека е тешко да се постигне разбирање за Гоце Делчев, пренесе БГНЕС.

Димитров исто така најави дека на лето Мешовитиот комитет за историски прашања нема да има нов состанок.

„Петнаесеттиот состанок ќе се одржи во средината на октомври. Се надеваме дека летните месеци ќе дадат можност за преиспитување“, рече Ангел Димитров.