logo
logo
logo

Македонската кујна прогласена за 59-та меѓу 100 национални кујни. Еве што нудиме

Vecer | 25.01.2023

Македонската кујна прогласена за 59-та меѓу 100 национални кујни. Еве што нудиме

Над 100 илјади учесници во анкетата на специјализираната вебстраница за традиционална храна „Тејст атлас“ ја позиционираа македонската кујна на 59. место меѓу 95 национални кујни во светот за 2022 година, со просечна оценка 3,92 од можни 5.

Љубителите на македонска храна навеле 40 јадења, а ги издвоиле селско месо, зелник, тавче-гравче, козињак и малиџано.

За најдобри ресторани во кои може да се пробаат традиционални македонски специјалитети се наведени „Камин Чамо“ (Скопје), „Мекиците од Стража“ (Кичево), „Пивница Ан“ (Скопје), „Кањон Матка“ (Скопје), „Антико“ (Охрид) итн.

Од земјите во опкружувањето пред македонската кујна се најдоа грчката на второто место, турската на седмото, хрватската е 17., српската 25., бугарската 28. и босанската 38., а подолу се словенечката на 65. место и албанската на 68.

Покрај грчката и турската кујна, во топ 10 се италијанската на првото место, потоа шпанската (3.), јапонската (4.), индиската (5.), мексиканската (6.), американската (8.), француската (9.) и перуанската (10.)

Меѓу 100. најдобри традиционални јадења во светот нема македонско, а српската плескавица е 99.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk