Според податоците на Статиста, во земјава досега се починати 3,055.98 лица на еден милион што ја сместува земјава на четвртото место по смртност во светот. Според податоците пак, на „Covid Data Check“, Македонија убедливо е со највисока смртност од коронавирус во Европа во последните 13 дена.

Македонија е на четвртото место по смртност од ковид-19 на еден милион жители, покажува новата светска статистика заклучно со 16 септември. Во тие бројки на Статиста не се внесени починатите од вчера, кога во земјава 29 лица го загубија животот како последица од компликации од коронавирусот..

Според податоците на Статиста, во земјава досега се починати 3,055.98 лица на еден милион што ја сместува земјава на четвртото место по смртност. Пред нас се Босна и Херцеговина, Унгарија и Перу, земја лидер на оваа неславна листа.

Според податоците пак, на „Covid Data Check“, Македонија убедливо е со највисока смртност од коронавирус во Европа во последните 13 дена.

Според нивните податоци, во топ 10-те земји со највисока смртност на 100 илјади жители во Европа од 4 до 17 септември прва е Македонија со 18,4 проценти на смртност.

Потоа втора е Црна Гора со 13,4 проценти, па Бугарија со 13,1, а на четврто место од регионот се наоѓа Босна и Херцеговина со 10,5 проценти.

Од нашето опкружување на шесто место се издвојува Грција, а Србија е на осмото место со стапка на смртност од 4.1 процент.