logo
logo
logo

Лиле Стефанова и уште двајца од СЈО ВО ТИМОТ НА РУСКОВСКА, Фатиме Фетаи извиси

Vecer | 22.04.2021

Лиле Стефанова и уште двајца од СЈО ВО ТИМОТ НА РУСКОВСКА, Фатиме Фетаи извиси

Обвинители од СЈО завршија во Обвинителството за гонење на организиран криминал во тимот на Вилма Русковска. Станува збор за Лиле Стефанова, Трајче Пеливанов и Артан Ајро.

Советот на јавните обвинители на денешната седница избра 5 обвинители во Обвинителството за гонење на организиран криминал и корупција, а покрај овие тројца избрани се и Наташа Поп Трајкова и Катерина Коларевич.

Седницата се пренесуваше во живо, ова се оценките за пријавените 14 кандидати, кои биле оценети со позитивна оценка.

-Никола Довлев добил 24,5 поени, Лиле Стефанова 25 поени, Елизабета Јосифовска 24 поени, Наташа Поп Трајкова 24,5 поени, Фатиме Фетаи 25 поени, Имра Османи 20,5 поени, Артан Ајро 25 поени, Трајче Пеливанов 25 поени, Златко Биковски 25 поени, Љубомир Лапе 24,5 поени, Вера Проевска 23 поени, Катерина Коларевич 25 поени, Наташа Сарамандова (не беа кажани поени), Верица Крстевска 25 поени, истакна претседателот Ацо Колевски, додавајќи дека повеќето обвинители имаат освоени 25 поени, и станува збор за стручни кадри.

По презентирањето на оценките, се премина на гласање.

За обвинителот Никола Довлев „ЗА“ гласаа двајца, што значи дека не беше ибран.

За Лиле Стефанова „ЗА“ гласаа 10 членови на Советот, а против само еден, односно Фиданка Раевска. Стефанова е избрана за обвинител во Организиран.

За Елизабета Јосифовска „ЗА“ гласаат само тројца, поради што не беше избрана.

За Наташа Поп Трајкова „ЗА“ гласаа 11 членови, што значи дека е избрана.

За Фатиме Фетаи „ЗА“ гласаа четворица членови, поради што не го доби потребното мнозинство.

За Имра Османи „ЗА“ гласаше 1 член, по што не беше избрана.

За Ајтан Ајро „ЗА“ гласаа 11 членови, со што стана обвинителе во Организиран.

За Трајче Пеливанов „ЗА“ гласаа 11 членови, односно беше избран.

За Златко Биковски „ЗА“ гласаа 4 членови, поради што не беше избран.

За Љубомир Лапе „ЗА“ гласаа 4 членови, кои не беа доволни за избор.

За Оливера Проевска не беше избрана.

За Катерина Коларевич „ЗА“ гласаа 11 членови, што значи беше избрана.

За Наташа Сарамандова „ЗА“ гласаа 5 членови, по што не беше избрана.

За Верица Крстевска „ЗА“ гласаа 3 гласа, кои не беа доволни за избор.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk