logo
logo
logo

Зошто Лиле Стефанова останува обвинител во ,,Плацевите на Водно’’?

Vecer | 28.09.2021

Зошто Лиле Стефанова останува обвинител во ,,Плацевите на Водно’’?

Со поднесена кривична пријава од одбраната на Јордан Камчев, поткрепена со докази кои го потврдуваат сомнението за сторено кривично дело Несовесно работење во службата по чл.353-в ст.2 вв чл.45 од Кривичниот законик и едно кривично дело Поднесување лажни докази по чл. 366-а од Кривичниот Законик, како и со поднесено Барање за изземање, исто така поткрепено со докази кои утврдуваат пристрасност и личен анимозитет кон Јордан Камчев, кој не се ни обидува да го сокрие, обвинителката Лиле Стефанова, останува обвинител, застапник во случајот ,,Плацевите на Водно’’.

Имено, Кривичната пријава за Несовесното работење во службата на јавниот Обвинител Лиле Стефанова и Поднесувањето на лажни докази, кое беше признато и од лично од неа, но со именување на истото како ,,техничка грешка’’ , се однесува на доказ, Записник за испитување на осомничен Никола Груевски КО.бр.1282/15 ОД 31.08.2-15 година на ОЈО Скопје, свесно прикривајќи дека станува збор за Записник за распит на лицето Никола Груевски составен во предистражната постапка под РО.бр. 1282/15 пред ОЈО во Скопје за друга правна квалификација.

Овој фалсификуван, подметнат доказ, обвинителката Стефанова го користи во предметот ,,Плацевите на Водно’’ и на судот кој го оценува актот практично му го подметнала доказот како записник составен под КО. број 1282/15 иако била свесна дека станува збор за обвинителска ознака под РО. Бр 1282/15  што има сосема друго значење во јавно обвинителската евиденација на предмети и е практично невозможно да дојде до забуна, наведуваат од адвокатскиот тим.

За овој подметнат доказ тројцата судии кои го ценеле – најверојатно без да го отворат предметот го потврдиле актот.

Барањето за изземање на јавниот обвинител Лиле Стефанова како обвинител од случајот ,,Плацевите на Водно’’, се однесува на јавниот прикажан личен анимозитет кој го има обвинителката кон Камчев што резултира со пристрасност при нејзиното досегашно постапување во случајот и видлив судир на интереси помеѓу обвинителот и обвинетиот, во случајот Јордан Камчев, наведуваат од одбраната.

Зошто покрај прецизни, утврдени и јавно докажани докази и за Кривичната пријава за обвинителката Стефанова и за Барањето за нејзино изземање, Јавната обвинителка на Основното јавно обвинителство за гонење на организиран криминал и корупција, истите експресно ги одби и покрај сите контраверзности, како застапник на обвинението во случајот ,,Плацевите на Водно’’ ја задржа Лиле Стефанова?

За одбраната на Камчев, но и за целата јавност останува нејасно и зачудувачки дали воопшто постои некаде во светот ваков тип на правосуден систем.

Обвинителството го одби барањето за изземање на јавниот обвинител Лиле Стефанова од случајот „Плацеви на Водно“ како неосновано.

Решението го донела раководителката на  Основното јавно обвинителство за гонење на организиран криминал и корупција Вилма Рускоска, на барањето поднесено од одбраната на обвинетиот Јордан Камчев, за што писмено е известен и скопскиот кривичен суд.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk