logo
logo
logo

Лефков: Да се објави список на лица кои досега примиле вакцини против Ковид-19

Vecer | 24.03.2021

Лефков: Да се објави список на лица кои досега примиле вакцини против Ковид-19


Пратеничката група на ВМРО-ДПМНЕ е загрижена поради информациите во јавноста дека и малиот број обезбедени вакцини се злоупотребуваат, посочи претставникот на опозициската партија, Миле Лефков, на денешната прес-конференција во Собранието.

Како што рече тој, сè погласни се шпекулациите во јавноста дека се вакцинирани лица кои не биле први на ред согласно Националниот план за вакцинација.

„Земајќи ги предвид надлежностите на Комисијата за здравство во Собранието, надлежна за здравствената заштита на населението и заштитата на населението од заразни болести, инсистираме претседателот на Комисијата, Арбен Зибер, во најбрз рок да побара од Министерството за здравство информација со список на лица кои до овој момент примиле вакцини против Ковид-19“, порача Лефков.

Според него, само со објавување на податоците ќе се отстранат сите сомнежи во јавноста во чувстителен период кој, како што кажа, државата го минува крајно неподготвено поради неспособноста на надлежните во Владата.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk