Коалициониот партнер на СДСМ, Билал Касами од БЕСА бара одговорност од министерот за внатрешни работи, Оливер Спасовски за бегството на екс директорот на УБК, Сашо Мијалков.
-Најдиректна одговорност треба да побараме од Министерот за внатрешни работи. Тој е избран во Собрание и таму треба да објасни. Прашуваме каде е човекот, каде е Мијалков, како побегнал, кој му помогнал?. Тоа треба да го одговори Министерот за внатрешни работи, вели Касами за Клик Плус на ТВ21
Касами вели доколку нема одговор на овие прашања, ќе се бара политичка одговорност за бегството на Мијалков.
-Ако не успее да даде одговор на овие прашања, тогаш ќе бараме политичка одговорност. Ние политичка одговорност не можеме да побараме од обвинителството, само од Министерот за внатрешни работи, додава Касами.
Истакнува дека ќе почекаат неколку дена да се разјасни ситуацијата и ќе бараат од Спасовски да одговори во Собрание.
