logo
logo
logo

Каракачанов: Петков спрема НАЦИОНАЛНО ПРЕДАВСТВО со Македонија

Vecer | 14.05.2022

Каракачанов: Петков спрема НАЦИОНАЛНО ПРЕДАВСТВО со Македонија

И покрај тоа што бугарскиот премиер се дообјасни дека Македонија може во ЕУ откако ќе се исполнат сите бугарски барања и што се е поизвесна нова блокадата на јунскиот самит, сепак во Бугарија, постојат сомнежни во намерите на премиерот.

Красимир Каракачанов доскорешен вицепремиер и лидер на ВМРО-БНД смета дека Петков ќе попушти и како што вели околу 24 мај ќе направи „национално предавствo“

Тој за БНТ додаде дека има одлука на бугарската влада од 2019 година, одлука на парламентот од 2019 година, одлука на Советот за национална безбедност под претседателот од 2020 година, имаше и одлука на Советот во јануари оваа година, и дека бугарскиот став е јасен: компромиси за темата Македонија не се прават додека не се промени политиката на Скопје кон Бугарија, категоричен е Каракачанов.

Тој нагласи дека за целото бугарско општество веќе е јасно дека „Кирил Петков не само што не разбира за што се работи, туку има преземено обврски“.

Во моментов се обидува да направи национално предавство за да го одработи тоа што некој го извади од никаде и го направи премиер на Бугарија. Тоа веќе им е јасно на сите, рече Каракачанов.

Почесниот претседател на ВМРО очекува бугарското општество да биде критично, бидејќи во текот на сите овие години меѓу 75-84 отсто од бугарските граѓани биле категорично против компромиси на тема ПКМ.

Тврдењата дека наш национален интерес е да бидеме опкружени со земји-членки на ЕУ поради војната во Украина, се целосна глупост и зборува за наивност. Македонија и Албанија се членки на НАТО. Ова им дава гаранција за безбедноста, а не членство во ЕУ, рече поранешниот воен министер.

Каракачанов додаде и дека „сите сакаме да имаме партнери од ЕУ на Балканот, но членството во ЕУ значи исполнување на критериумите“.

Дефинитивно немаме интерес земја како Македонија, која води антибугарска политика, да стане членка на ЕУ. Затоа што сите овие практики на фалсификување на бугарската историја, прогон на Бугарите, претензии кон националните малцинства во Бугарија ќе станат многу посериозен проблем кога оваа земја ќе стане членка на ЕУ, рече Каракачанов.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk