По интервјуто на лидерот на ДУИ, за ТВ Клан каде рече дека е разговарано за нови државни симболи, односно, за промена на знаме, грб и химна, реагираа од владата од каде демантираат.
Ниту во Владата, ниту во владејачката партија СДСМ, ниту со премиерот Заев не е разговарано за промена на знаме, грб или химна на државата, брифираат за Канал 5 од кабинетот на премиерот Зоран Заев.
Во изјавата на г. Ахмети не забележавме дека тој изјави дека наводно било разговарано со премиерот Заев или со било кој друг претставник на политичките субјекти во власта.
Сметаме дека државата треба да се фокусира со сите свои капацитети на политиките кои носат развој, економија и повеќе пари за граѓаните.
Владата ќе продолжи на тој пат, брифираат од кабинетот на Заев.
