logo
logo
logo

ЈСП: Рокот за заверка на важноста на студентските билети продлжен до 31 март

Vecer | 25.02.2021

ЈСП: Рокот за заверка на важноста на студентските билети продлжен до 31 март


Рокот за продолжување на важноста на студентските билети за бесплатно користење на јавен превоз повторно е продолжен, односно ќе трае до 31 март годинава, информираат од ЈСП.

„До тој термин, сите студенти кои ги исполнуваат условите за стекнување на право на годишен студентски билет за бесплатно користење на јавен превоз, а не го продолжиле од било која причина, можат бесплатно да го користат превозот, но притоа да поседуваат картичка ‘Скопска’ која имаат обврска да ја приложат при евентуална контрола на билети“, се наведува во соопштението.

Во него се додава дека судентите немаат обврска да се валидираат во автобусот, а контролорите не смеат да им издадат записник/казна.

Од 1 април, секој студент кој ги исполнува условите за посочениот тип на билет, а истиот не го заверил, во случај на контрола ќе добие казна, доколку евентуално не поседува друг тип на билет, уредно валидиран.

Од ЈСП Скопје велат дека со ова повторно излегуваат во пресрет на барањето на УСС (Универзитетското студентско собрание) при УКИМ, кое по втор пат побарало продолжување на рокот за заверка на важноста на студентскиот билет, со оглед на актуелната ситуација со Ковид-19, која, како што навеле, на одредени факултети предизвикува потешкотии при организација и распределба на документацијата потребна на студентите за продолжување на важноста на билетот.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk