Стевче Јакимовски, лидерот на Гром во своето гостување во емисијата „Што не е јасно“ посочи дека во државата не се случува ништо, се тапка во место и сето тоа е поради лошите политики на СДСМ. Според Јакимовски оваа влада на СДСМ е само се свртена кон апсења, притвори, обвиненија и слично.
-Вие гледате дека година дена Заев од Табановце нема излезено и не само тој туку и претседателот на држава што значи дека се целосно изолирани. Ова со вакцините што не ни ги даваат не е случајно, ова 111 место по корупција не е случајно, гледате вие дека меѓународната заедница веќе крена раце од ваква власт. Каде е сега Папата, каде е Ангела Меркел? И тогаш им кажувавме тие ќе си завршат работа, ние и да сакаме и да не сакаме ќе станеме членки на НАТО ама само ќе ја направиме белјата со промена на името и гледате што се случи, сега веќе дигнаа раце од нас.Тие немаат капацитет и внатрешната политики да ја држат во државата.
-Од водење влада само знаат затвори, притвори. Сте лушнале ли вие за некој културен настан во изминативе 4 години, за некое уметничко дело, култура има ли оваа држава, сте слушнале ли за некој градежен проект. Сте слушнале ли во областа на здравството некој апарат да го имаме , еве пример некој апарат го има во Америка, го има во Јанпонија, така го има и во Македонија, нешто да се набави . Апсолутно ништо не се мрда, во ниту еден дел,ние цело време се вртиме околу апсење, обвиненија, судство.Само тоа е перципирање на власта од страна на СДСМ, рече Јакимовски.
Според Јакимовски оваа влада на СДСМ нема ниту еден проект со кој може да се забележи и да остане запаметена.
-Ќе ми каже некој каква економска политика оваа влада води?Која е даночната политика, почнаа со прогресивно одданочување, се вратија назад, ќе ми кажат каква момнетарно- кредитно политика оваа држава води. Ние не можеме да видиме ништо со што оваа влада би останала забележана, додаде тој.