Поранешниот претседател на Република Македонија, д-р Ѓорге Иванов, на покана на Универзитетот ТОББ престојува во посета на Анкара, каде што ќе се обрати на Катедрата за политички студии и меѓународни односи на тема: “Надворешната политика на Турција на Балканот: Поглед од регионот.“
За време на оваа посета, поранешниот претседател Иванов имаше средба со министерот за надворешни работи Мевлут Чавушоглу, со кои имаа можност да се сретнат за време на претседателството.
На средбата беа констатирани добрите односи меѓу Република Македонија и Република Турција и можноста за нивно подобрување.
- Прв гостин денеска е нашиот пријател Ѓорге Иванов, поранешен претседател на С.Македонија. Ќе продолжиме да ја поддржуваме Македонија и нејзината мултиетничност, пишува Чавошоглу на официјалниот твитер профил.
Оваа средба е официјално објавена од министерот за надворешни работи на Турција Чавушоглу.
Bugünkü ilk konuğumuz #KuzeyMakedonya eski CB dostumuz Gjorge Ivanov oldu. K.Makedonya'ya desteğimiz sürecek.
First guest today was our friend Gjorge Ivanov, former President of #NorthMacedonia. Will continue to support N.Macedonia & its multi-ethnic/multicultural structure.🇹🇷🇲🇰 pic.twitter.com/Ff9Ku9eYRB
— Mevlüt Çavuşoğlu (@MevlutCavusoglu) October 25, 2021