Див приклучок на струја на разводна табла на градското јавно осветлување предизвика прекин во снабдувањето со електрична енергија на девет улици во Радовиш.

Според градоначалникот Герасим Конзулов, предизвикана е голема штета, а на местото на настанот полицијата извршила увид.

– Тековно се врши увид во состојбата и се проценува материјалната штета по што ќе следуваат санкции. Екипите работат на терен и ги замолуваме засегнатите жители да имаат разбирање, рече Конзулов.

Додава дека досега регистрирале повеќе такви случаи на нелегално приклучување на јавното осветлување, но последниот можел да предизвика голем пожар.

Конзулов ги опомени граѓаните дека дивото приклучување на дистрибутивната мрежа е кривично дело и претставува голем ризик за пожар.