Пожарот кај Гевгелија стигна до граничниот премин „Богородица“ кај Гевгелија, кој е затворен за сообраќај и од македонска и од грчка страна.
Пожарот избувна попладнево кај Гевгелија, а поради ветрот брзо се спушти до граничниот премин.
Поради пожарот што попладнево избувна на потегот меѓу месноста Милци и Граничниот премин „Богородица”, сообраќајот на овој граничен премин е во прекин и возилата се пренасочуваат на граничниот премин „Дојран”, информираа од АМСМ.
Огнот во близина на преминот е изгаснат, но се чека целосно да се смири ситуацијата со пожарот, со последиците од него пепелта и чадор, па тој пак да биде отворен.
Засега нема информации кога ќе биде повторно отворен преминот, а до тогаш патниците се пренасочуваат на граничниот премин „Стар Дојран“.