Поранешниот министер за финансии, Џевдет Хајредини, преку својот Фејсбук профил му реплицираше на актуелниот министер за финансии, Фатмир Бесими во врска со енергетските прашања.
- Владата ќе продолжи да го поддржува АД ЕСМ со цел да не поскапи струјата за граѓаните, порача вечерва министерот за финансии Фатмир Бесими. И таа поддршка на АД ЕСМ ќе ја плаќаат граѓаните, не Владата - напиша Хајредини.
-Во Буџетот на годинава се предвидени 225 милиони евра за поддршка на граѓаните и стопанството за справување со кризата од кои дел се наменети за ЕСМ, рече Бесими во емисијата „Вин-вин“ на Телма.
Посочи дека во текот на изминатата грејна сезона на ЕСМ од Буџетот му беа префрлени вкупно 320 милиони евра за да не поскапат струјата и парното, а со намалувањето на ДДВ-то како поддршка за пониски сметки беа одлеани дополнителни 70 милиони евра или вкупно речиси 400 милиони евра за да не се зголемат цените на енергентите.
