Основното јавно обвинителство Гостивар поднесе Предлог за издавање казнен налог против едно лице за кривично дело – непостапување според здравствените прописи за време на епидемија согласно член 206 став 1 од Кривичниот законик, соопштија од ОЈО.
Од ОЈО наведоа дека обвинетиот 42-годишник од село Неготино, Врапчиште, на кого со Решение од Државниот санитарен и здравствен инспекторат му била определена задолжителна домашна изолација во траење од 20 дена, на 18 февруари остварил излез од државата преку граничниот премин „Табановце“ и се упатил кон Швајцарија.
Надлежниот јавен обвинител му предложил на Судот да определи парична казна за обвинетото лице кое не ги почитувало здравствените мерки.
