Утрово Македонија ги доби долгоочекуваните кинески вакцини на Синофарм, кои ги чекавме од февруари. Вакцините ги пречека министерот Венко Филипче кој откри и кога ќе се вакцинира.

Тој за Канал 5 одговарајќи на новинарско прашање кога ќе се вакцинира, изјави дека тоа може да се случи во текот на неделава со вакцинатата што веќе пристигна во голем број, кинеската Синофарм.

-Би сакал да дадам пример и да ги уверам граѓаните дека е вакцината е безбедна. Мислам дека е соодветно тоа да биде со кинеската вакцина, заради тоа што таа сега е во најголема бројка на граѓаните, така да може да го организираме тоа и оваа недела која следи, рече Филипче.

Филипче додаде дека до крајот на месецот мај ќе стигнат уште вакцини од производителот „Фајзер“, како и 500.000 дози што ќе стигнат во мај од вакцините на „Синовак“.