logo
logo
logo

ВМРО-ДПМНЕ

Еве му избор на Ковачевски: ИЛИ СУГУВАЊЕ НА БУГАРИЈА ИЛИ ПРЕДВРЕМЕНИ ИЗБОРИ

Vecer | 16.08.2022

Еве му избор на Ковачевски: ИЛИ СУГУВАЊЕ НА БУГАРИЈА ИЛИ ПРЕДВРЕМЕНИ ИЗБОРИ

Секојдневните предавства од криминалната власт на СДСМ и ДУИ треба да престанат. Константните притисоците од власта на Ковачевски кон пратениците на ВМРО-ДПМНЕ нема да поминат. Јасно му е тоа и на Ковачевски, па затоа на секаков начин се обидува да се задржи на премиерската фотелја што може подолго, велат од ВМРО-ДПМНЕ.

Додаваат дека за да престанат притисоците од страна на власта кон пратениците, СДСМ и Ковачевски имаат избор и понуда од страна на претседателот Христијан Мицкоски.

- Доколку Ковачевски и СДСМ се сигурни дека имаат 80 пратеници, веднаш по враќање на пратениците во Собранието да ги стават уставните измени на дневен ред на првата собраниска седница. Но, ако на таа седница не поминат уставните измени за вметнување на Бугарите во Уставот, наредниот ден, да се распушти Собранието и да се оди на предвремени парламентарни избори, потенцираат од партијата.

Тие нагласуваат дека ако од власта се сигурни дека она што го прават е исправно еве им избор, или слугување на Бугарија и промена на Уставот или предвремени избори.

- Ова е чесна и фер понуда. На потег е Ковачевски. На националните предавства треба да им се стави крај. Секојдневните изјави од страна на бугарските политичари само го потврдува она за кое го говоревме, дека секој ден ќе пристигнуваат нови и нови услови и барања од страна на Бугарија кон оваа сервилна власт на чело со Ковачевски, стои во соопштението.

Се додева дека  ВМРО-ДПМНЕ е за европеизација, а не асимилација и бугаризација.

- Европеизација на Македонија  да, но не под бугарски диктат. И за заштита на националните интереси пратениците на ВМРО-ДПМНЕ и коалицијата цврсто ќе опстојат на овој став, велат од партијата.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk