logo
logo
logo

Мицкоски: ДУИ СОЗДАВА ДЛАБОКА ДРЖАВА, Албанците немаат корист од тоа

Vecer | 26.03.2021

Мицкоски: ДУИ СОЗДАВА ДЛАБОКА ДРЖАВА, Албанците немаат корист од тоа

Во вечерашното издание на дебатната емисија "Што не е јасно" на ТВ Алфа гостуваше претседателот на ВМРО-ДПМНЕ, Христијан Мицкоски кој се осврна на моменталната политичка ситуација во земјата, лошите владини политики и мерки во однос на здравствената криза, како и на чекорите кои ВМРО-ДПМНЕ ќе ги превземе во наредниот период.

Мицкоски потенцираше дека државната администрација, како и сите државни органи се заробени од ДУИ речиси 20 години. Тој додаде дека не е нормално една политичка партија да создава држава во институциите и да функционира согласно сопствените потреби.

"Македонската и албанската опозиција ќе мора да делува заеднички во одредени сегменти, бидејќи локалните избори се зрела шанса за граѓаните да изберат во своја корист и да се ослободат од ова тоталитарно владеење на СДСМ и ДУИ, а особено она на ДУИ кои 20 години е закотвено во државните институции. Од таквиот начин на работа и инфилтрирањето само на партиски кадар насекаде низ државните институции, придобивка немаат ниту Македонците, ниту Албанците, ниту пак другите етнички заедници. Тоа е уназадување на општеството", додаде Мицкоски.

Формирањето на длабока држава придонесува задушување на општеството и на кратење на можностите на граѓаните. ДУИ користи ист модел веќе 20 години и тој не враќа со никаков плод кој го почувствувале граѓаните на Република Македонија. Токму затоа на таквиот начин на работа мора да му се стави крајот, а тоа е возможно само доколку се сплотат сите опозициски партии, заврши Мицкоски.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk