Денешната состојба покажува дека за еден ден се попишале 7.102 македонски државјани и се надеваме дека ова темпо на попишување ќе продолжи до крајот на пописот, на 21 април, велат од Државниот завод за статистика (ДЗС).
Од таму информираат дека вкупниот број на самопопишани во моментов е 137.111 лица и додаваат дека интересот на нашите државјани во странство за учество во пописот секојдневно расте.
„За сите нејаснотии во врска со методологијата на попишувањето или какви било технички проблеми, Државниот завод за статистика им стои на располагање со отворените линии за комуникација достапни на веб-страницата Popis2021.stat.gov.mk“, се наведува во соопштението.
makfax.com.mk
