По изречените казни за Бојан Јовановски и Катица Јанева од страна на Кривичниот суд, денес случајот „Рекет“ е на разгледување пред Апелација која може да ги потврди казните со што би станале правосилни, но може предметот да го врати и на повторно судење.
Бојан Јовановски доби 9 години затвор од Кривичниот суд, додека за Катица Јанева беше издадена седумгодишна казна затвор.
Двајцата обвинети се наоѓаат во домашен притвор во моментов. Боки 13 беше во притвор во Шутка, но поради нарушена здравствена состојба, неколку пати беше пренесуван во болница, а на крајот на октомври минатата година му е изречена мерка домашен притвор.
