logo
logo
logo

“Да се раскинат ДОГОВОРИТЕ СО ГРЦИЈА И БУГАРИЈА!“

Vecer | 08.06.2021

“Да се раскинат ДОГОВОРИТЕ СО ГРЦИЈА И БУГАРИЈА!“

Професорката Наташа Котлар денеска на предупредувачкиот протест, односно блокада во Скопје, која ја организира ВМРО-ДПМНЕ изјави дека со Договорот со Бугарија, соседот го оспорува македонскиот народ и јазик. Вели дека ќе бидеме негирани и асимилирани како народ.

„Со Преспанската спогодба националниот идентитет е засегнат, а со овој договор целосно ќе бидеме по мерка на нашите европски соседи, односно Грција и Бугарија. Дали тоа значи дека ова е Трета Балканска војна и сметам дека треба овие договори да бидат раскинати“, рече таа.

Владо Мисајловски од ВМРО-ДПМНЕ повика Владата да биде транспарентна и да каже што преговара со Бугарија, а премиерот Зоран Заев да не биде трговец поединец. Неговиот сопартиец Тимчо Муцунски рече дека и претходно власта тврдела дека не се преговара за идентитет. Вели дека граѓаните се осиромашени и понижени.

ВМРО-ДПМНЕ од денеска во знак на предупредувачки протест започнува со блокади во Скопје и 10 градови. Блокадите ќе се одржуваат од 15 до 17 часот, а во Скопје во овој период ќе бидат блокирани раскрсниците кај Нова Македонија, ТЦ Мавровка и Собрание.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk