logo
logo
logo

Граѓани го начекаа Ковачевски во маркет

Цените се до плафон, СО ДВА ДЕНАРИ ЗА МАКАРОНИ И ДЕНАР ЗА ЈАЈЦА КОИ БЕА 99, ТОА НЕ Е МЕРКА

Vecer | 28.03.2023

Цените се до плафон, СО ДВА ДЕНАРИ ЗА МАКАРОНИ И ДЕНАР ЗА ЈАЈЦА КОИ БЕА 99, ТОА НЕ Е МЕРКА

Откако се поскапе премногу, па власта реши конечно да реагира и на некои производи цените се спуштија за 10-15%, иако поскапеа некои за над 50%, премиерот Димитар Ковачевски трет пат прошета во маркет пред камери.

Овој пат го начекаа граѓани кои на премиерот му ја укажаа реалната слика во земјава поврзана со цените и колку се тие покачени.

– Цените се до плафон. Со два денари макарони и денар на јајца кои беа 99 денари тоа не е мерка. Дојде тежок животот, не можеме да купиме ниту лекарства со тие пари – му се обрати една повозрасна жена на премиерот.

Ковачевски најверојатно неспремен за ваков одговор, се оправда со војната во Украина, па се пофали дека работеле во заштита на граѓаните.

– Точно е дека се зголемени цените затоа што се води војна во Украина. Она што направивме е замрзнување на цените со што се намалија цените за десет отсто. Ја замрзнавме цената на јајцата и на оризот. Сега се поевтини и за десет проценти од тоа што беше. Таму каде што не можевме да стигнеме до џентлменски договор, донесовме одлуки на Влада, рече Ковачевски.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk