Апсурдно е и сите овие постапки кои се случуват во моментов во министерството за образование, а кои Мила Царовска насила ги бутка, покажуваат само на едно големо непознавање на она што треба да биде вистинска образовна реформа и образовен процес, вели пратеничката.
Таа порача дека овие наводни реформи кои немаат „ни глава ни опашка“ разбирливо наидоа на силен револт од страна на родителите и затоа имаме тешки неметодолошки постапки во однос на целото спроведување и целата идеја на образовната реформа.
Царовска изјави дека учебниците би се напишале за еден месец, а било кој наставник ако го прашате би ви кажал дека наставно помагало особено за основно образование е сериозно долг процес, не можете во еден месец да се создаде учебник, има насоки кои треба да се следат и истото да биде прегледано од психолог и од сите инстанци,тоа е непознавањето на Мила Царовска, објасни Стојкова Серафимовска.
Таа истакна дека за една реформа е потребен многу долг и детален период, а веднаш по стапување на функцијата Царовска се зафати со реформи каде јасно се гледа нејзината агенда, прво образовната концепција којa сеуште не е завршена во собранието, а таа ја игнорира цела опозиција и цела интелектуална јавност во Македонија.
