Бугарските историчари ја прославија како успех досегашната работа на заедничката комисија за историски и образовни прашања, откако вчера беа објавени првите препораки и резултати за нејзината работа.

Таму покрај препораки за менување учебници стои дека Самоил бил цар на бугарско царство, а Кирил и Методиј твореле во на територија на средновековната бугарска држава.

Двегодишната битка за одбрана на позицијата на Бугарија во историските спорови со Северна Македонија стигна до првата победа. Ова се наведува во ставот на Националниот круг „За Македонија“.

„Победа за бугарската историска наука! Двегодишната битка за одбрана на бугарската позиција во однос на историските спорови со Северна Македонија стигна до првата победа! Колегите во Скопје официјално го препознаа очигледното, кое и тие многу добро го знаеја. Цар Самуил е бугарски цар, учениците на Кирил и Методиј на покана на кнезот-крстител Борис-Михаил го ширеле својот збор низ целото бугарско кралство, Преслав и Охрид се бугарски книжевни центри. Сето тоа треба да биде запишано во детските учебници во РСМ.

Додаваат дека  за тоа придонесе посетата во јуни на Европскиот парламент во Стразбур на говорниците на Националниот круг „За Македонија“ професорите Николај Овчаров, Ана Кочева, Пламен Павлов и Спас Ташев, претставници на Бугарската академија на науките и Универзитетот Велико Трново „Св. Кирил и Методиј“.

– Ќе потсетиме дека токму во тоа време се слушаа гласови од владата на Четирикратната коалиција дека „доста е со оваа историја“, „да им свртиме грб на историските проблеми“ итн. Но, нашите гласови се слушнаа и беа вградени во така наречениот „француски предлог“, прифатен во двете земји. Се надеваме дека во иднина ќе продолжиме да ги браниме бугарските интереси во спорови за јазикот и за личности како браќата Миладинови и Гоце Делчев“.