„Бугарска памет" - Во Македонија ќе се слави денот на бугарската армија

Фондацијата „Бугарска памет" ќе организира прослава по повод 6 Mај, бугарскиот празник „Ден на храброста" во Ново Село, Македонија. Оваа година за прв пат на прославата ќе присуствуваат и претседателите на двете земји, изјави за бугарската агенција БГНЕС, д-р Милен Врабевски, основач и претседател на Фондацијата.

„Денот на храброста" и празник на Бугарската армија е официјален празник во Република Бугарија – професионален празник на војниците и празник на Воениот орден „За храброст", кој традиционално се одбележува секоја година на Ѓурѓовден – 6 мај.

Како што пренесува БГНЕС, Фондацијата на Врабевски, активно ја развива прекуграничната соработка помеѓу Бугарија и Република Македонија и посветува посебно внимание на заедничките прослави.

Бугарскиот меморијален споменик во Ново Село е целосно реставриран со средства на Врабевски и се наоѓа во совршена состојба. Две недели пред големиот празник, подготовките за празникот се одвиваат со полна пареа.

-Успеав да се видам со гардистите и да го разгледаме местото каде на 6 мај ќе се одржи историската средба на двајцата претседатели на Република Македонија и Бугарија Ѓорге Иванов и Румен Радев – изјави филантропот Врабевски.

-Многу сум горд што за прв пат ќе бидам удостоен со честа да се направи средба на толку високо ниво. Секоја година тука доаѓаат македонски политичари и претставници на македонската црква, а сега нивото е унапредено – внимание му посветуваат не само претставниците на големите сили преку своите воени аташеа, туку и двајцата шефови на држави и нивните кабинети- вели д-р Врабевски.

Поврзани

Најнови вести

Коментари