Одделот за кардиологија и кардиохирургија во Охрид е потенцијално жариште на зараза со британскиот сој на коронавирусот, а веќе се откажани и сите термини кои преку „Мој термин“ биле закажани за претстојниот период. Ќе се примаат само најитните случаи.

Петнаесет лица од медицинскиот персонал во охридска кардиохирургија се позитивни на британскиот сој на коронавирусот, кој е најзастапен кај потврдените случаи од изминатите неколку денови. Од нив дури шестмина се доктори-специјалисти, а другите се медицински сестри и останат персонал.

„Во Охрид е изразена висока застапеноста на британската мутација која се одликува со значајно повисока преносливост. Ваквата состојба за жал, не нè заобиколи и нас како установа“, соопштуваат од Центарот за кардиоваскуларни заболувања, Охрид.