Во болницата во Тетово изминатото деноноќие има голем наплив на пациенти по големиот пораст на заразени со коронавирус во овој град.

Од Министерството за здравство информираа дека се работи на интензивна реорганизација со цел соодветно згрижување на сите.

„На колегите од Тетово им се дава соодветна поддршка во делот на кадар и сместувачки капацитети. Од пред два дена пациенти се сместуваат и во болницата во селото Лешок, а доколку е потрбно пациенти ќе бидат сместувани и во други болници во близина или во Скопје“, велат од Министерството.

Во текот на утрешниот ден ќе се донесе одлука дали и колку дополнителен кадар кој во најкус рок ќе биде распореден.

Министерството за здравство размислува и за воведување дополнителни локални мерки за што ќе биде разговарано утре.

До граѓаните се апелира да ги почитуваат мерките за лична заштита со цел спречување на понатамошно влошување на состојбата.

Според последните податоци, во Тетово како активно заразени со коронавирус се водат 1.079 лица.

makfax.com.mk