Колку Македонија заостанува со вакцинацијата, говори фактот дека Блумберг анализирал дека можеби ќе бидат потребни 10 години доколку се продолжи со ова темпо.
Имено, според анализата на Блумберг за да се вакцинираат 75 % од населението против Ковид19 на Македонија ќе и бидат потребни цели 10 години.
Според анализата која ја сподели Илија Димовски, екс пратеник на ВМРО-ДПМНЕ, Македонија заедно со Украина е на убедливото последно место на листата на анализирани земји.
Според истата анализа Србија својата задача ќе ја заврши во текот на оваа година, а Албанија ќе се имунизира за нешто помалку од 4 години.
Македонија досега има набавено околу 70.000 вакцини, а вакцинирани се околу 40.000 граѓани, што е 2% од вкупната популација на земјава.
Масовната вакцинација најавувана од февруари, март и април се уште не е започната, а бројките од 80.000 Фајзер, 200.000 кинески и 200.000 руски вакцини се уште не се пристигнати а прашање е кога и дали иако власта тврди дека има набавено 2,6 милиони вакцини.
Bloomberg ви пресметал колку години ќе ни треба за да се вакцинираме со ова темпо на "масовна" вакцинација...
10... pic.twitter.com/3eHNmwbKNz
— Ilija Dimovski (@ilijadimovski) April 20, 2021
