Расте опозициското расположение во државата и по се македонските граѓани сакаат промени. Анкетите од изминатиов период покажуваат дека македонските граѓани се незадоволни од работата на повеќето градоначалници и сакаат промени во локалната самоуправа. Таквото расположение е генерално одраз на реалната слика, бидејќи поголемиот дел од градоначалниците и нема со што да се пофалат. Во меѓувреме власта не може да се справи со здравствената криза и Македонија се наоѓа на врвот по смртност во светот од КОВИД-19.
Но, покрај тоа речиси секојдневно гледаме скандали и афери поврзани со луѓе од власта, пасоши на светски криминалци, но и меународен дипломатски скандал. Ако на тоа се додаде дека меѓународните институции ја рангираа земјава како хибриден режим, но и како земја со висока корупција на 111 место спроед Транспаренси Интернешнл, тогаш и не е за чудење што власта почнува да губи на анкетите и што граѓаните скааат промени.
Според вчера објавена анкета на „Организацијата за граѓански активизам и независност“ ВМРО-ДПМНЕ е со над 4.2% предност пред СДСМ.
Од ВМРО-ДПМНЕ велат деака оие анкети само ја покажуваат реалната слика на терен, каде на граѓаните им е смачено од погрешните политики на власта и безизлезноста во која ја втурнаа државата, соопштуваат од партијата.
Тие потенцираат дека анкетите ја покажуваат големата поддршка на граѓаните на понудата на ВМРО-ДПМНЕ и политиките „Македонија за сите луѓе“ кои беа презентирани во текот на месеците јули и август, а опфаќаат проекти, мерки и визија за Македонија.
- ВМРО-ДПМНЕ е силно мотивирана од големата поддршка која ја добива од граѓаните, а која пред се е видлива при теренските посети, ваквата поддршка само ќе се зголемува во очи на локалните избори. Поддршката која ја има Коалицијата ВМРО-ДПМНЕ – АА – А е воочлива и е пред тандемот СДСМ – ДУИ. Власта паѓа, се додава во соопштението.
Оттаму истакнаа дека поддршката која ја има претседателот на ВМРО-ДПМНЕ проф. Др. Христијан Мицкоски наспроти Зоран Заев покажува дека граѓаните сакаат лидери со визија и интегритет, а не луѓе како Заев кои се заглавени во криминалот.
- Граѓаните сакаат стабилност, раст и развој. И тоа се докажува со анкетите од каде се гледа точно какви политики поддржуваат граѓаните, порачаа од ВМРО-ДПМНЕ.
