Народот е револтиран и му е преку глава. Чашата ја прели именувањето на Кацарска за претседател на Уставниот суд. Ако продолжи вака отустно да се однесува Зоран Заев и Владата на СДСМ, се плашам дека работата ќе се радикализира уште повеќе, ова го истакна лидерот на ВМРО-ДПМНЕ Христијан Мицкоски од вечерашниот масовен семакедонски протест „Правда за уставобранителите, слобода за Македонија“.

-Мојата порака до нив е да не си играат со трпението на народот, затоа што тоа трпение има и свој крај.
Нашето барање е да се врати процесот од почеток и да се суди за тоа што навистина го погрешиле пред законот, а не за тоа што го нарачал Заев за да денеска Кацарска стане претседател на Уставен суд.