Вирусот во моментов има широка инфекција, во постојана координација и комуникација сме и со епидемиолозите, остануваме да ја следиме ситуацијата и доколку е потребно да се дејствува со нови мерки тоа ќе го направиме, објави денеска на својот Фејсбук-профил се уште актуелниот министер за здравство Венко Филипче.

Тој посочува дека изутрината на редовна координација со директорите на клиниките разговарале за болничките капацитети, состојбата на болните и актуелната епидемиолошка состојба.

-Во ковид – центрите низ државата има доволно кревети за хоспитализација на пациенти, престојниот период може да биде зголемена потребата од хоспитализации, што бара сериозен пристап и коориднација која успешно се менаџира. Дополнителни капацитети за лекување пациенти со ковид има и истите може да се стават на располагање во секој момент. Доставата на терапија оди тековно и нема застој, напиша Филипче.

Под објавениот пост, што неговите следбеници го дочекаа на нож, се нижат разно-разни коментари. Пренесуваме само дел од нив:

 

– Проценката дека „Претстојниот период може да биде зголемена потребата од хоспитализации“, се должи на фактот дека во време кога се очекува нов бран ние тераме попис и избори?
ЗА влез во кафич се бара вакцинален сертификат, а за влез на попишувач дома не? За влез во кафана мора вакцина, а членови на избирачки одбори може и да не се вакцинирани? Која е логиката министере?
– Кога веќе се понашате како ништо да не се случило, барем некој да ни каже дека ,,оставката” не е прифатена! 🤔
– Министре шо стана со оставката? За еден другар прашувам…
– Абре како не ти е срам уште да се појавуваш во јавност…
– Ја загинале оставката- не важи…