Лидерот на ДУИ, Али Ахмети повторно се распеа и повторно снимката ја објави вицепремиерот Артан Груби во пресрет на митингот на партијата во Чаир, во период кога огнената група зема се поголем замав.
На видеото може да се види како претседателот на ДУИ пее народна песна, придружуван од косовски пејач Илир Шаќири.
Во јануари годинава, Ахмети пееше песна, која дел од јавноста веднаш ја протолкува како одговор на „Огнената група“. Минатата година, беше прикажан со цигара во рака, како пее песна посветена на диктаторот Енвер Хоџа.
За денеска во Чаир е најавен голем митинг на ДУИ. Како што најави Груби, се очекува да биде „историски митинг“, на кој што главен збор ќе има токму Ахмети.