Владиката Агатангел во гостувањето во „Што не е јасно“ на Алфа ги коментираше владините мерки и полицискиот час истакнувајќи дека минатата година не затворија за најголемиот христијански празник Воскресението Христово, додека за другите празници од другите вероисповести беше се слободно.
Во однос на тоа што повторно наближува Велигден тој вели дека посетата на верниците во црквите нема да резултира со проблеми по здравјето на граѓаните.
-Луѓето се исплашени, се трудиме кога ќе дојдат во црква да се носат маски и да се заштитиме, затоа што не сакаме црквата да е причина никој да заболи, тешко е им и на свештениците затоа мислам дека не е помогнато особено не на епархиите од страна на државата, а се трудиме да ги почитуваме мерките, вели Владиката.
Во однос на вакцините Владиката порача дека граѓаните треба да се вакцинираат по сопствено убедување, пожелно е да се вакцинираат сите граѓани, а тоа е одлука која треба сами да ја проценат луѓето.
-Многу семејства останаа без своите блиски и луѓето се навистина исплашени од пандемијата, посочи Агатангел.