Едно лице загина, а едно е тешко повредено во пукањето што се случи синоќа околу 22 часот во скопската населба Бутел, на булеварот „Босна и Херцеговина“.

Според досегашните сознанија, непознато лице испукало неколку истрели од возило во движење во правец на возило „голф“, во кое се превезувале две лица. Неофицијално, убиен е Камер Идризи (42), а негов роднина се бори за живот.

Идризи и стана познат на македонската јавност по инцидентот во 2019 година што се случи во хотелот „Александар Палас“ во Скопје. Тогаш неколку маскирани лица кон него испукаа десетици куршуми.

На социјалните медиуми се шпекулира дека убиениот Идризи бил близок со раководството на владејачката СДСМ и градоначалникот на Бутел Велимир Смилевски.

Од МВР најавуваат повеќе детали во текот на денов.