По веста дека Барлет Џафери, син на собранискиот спикер Талат Џафери полагал правосуден пред да дипломира, од ДКСК открија дека спорни се дури 449 студенти од Универзитетот на Југоисточна Европа.
Според ректорот Абдулменаф Беџети тоа било техничко административна грешка и затоа биле издавани уверенија со погрешно наведување на називот односно звање, а не дипломи.
Според него, станува збор за околу 200 такви уверенија.
-Тоа е полувистина, за периодот од 2008 до 2010 година немало регулирано со декрет во државата за квалификациите и за звањата во тој дел. Така што од 2010 ноември донесен е декретот, односно одлуката каде се идентификуваат називите на звањата и разликите во седми степен и шести степен. Меѓутоа тоа не дека се издадени дипломи, да бидеме на јасно, издадени се во кои стои бројот на трансфер европски кредити ЕЦТС каде што пишува 180 ЕЦТС кредити тоа значи е рамно на тригодишни студии (Bachelor), рече тој.
Додаде дека некој сака да ги толкува така само за да на некој начин внесува забуна.
- Но пак велам е полувистина, дел се во право затоа што веќе во 2012 кога е регулирано, односно 2011 почнало примена на декретот односно на одлуката, кога е регулирано, меѓу 2011 и 2012 имало такви случаи каде уверенијата се издадени со погрешно наведување на називот односно звање VII-1 . Меѓутоа од 2012 натака се е во ред. Во суштина нема грешка, има техничко административна грешка во нецелиот тој период и не е тој број на дипломи 437 туку е помал од 200. Но колку и да е и две дипломи да се е в ред. Не се дипломи туку се уверенија, изјави Абдулменаф Беџети.
УЈИЕ денес беше домаќин на завршна конференција на проект посветен на лажни вести.