Нормално е граѓаните да почувствуваат одредени симптоми откако ќе примат вакцини како „Фајзер“, „Спутник“ и „Астра зенека“, бидејќи сето тоа зависи од принципот на кој работи вакцината, објаснува српскиот вирусолог д-р Миланко Шеклер.
Вакцините како „Фајзер“, „Астра зенека“ и „Спутник“ се такви што немаат никаква подготовка, односно се како инстант кафе и штом ги внесеме во организмот, тие почнуваат да делуваат.
Поради брзата реакција, започнуваат да се создаваат голем број на антигени. Организмот смета дека вакцината всушност е вирус, затоа се брани со температура, затоа што тоа е неговиот одбранбен механизам, објаснува тој.
Д-р Шеклер смирува дека овие симптоми се минливи и не го загрозуваат здравјето.
