Серенби е еко комуна скриена меѓу четиристотини хектари на шумско подрачје јужно од Атланта во Соединетите Американски Држави. Заедницата е создадена пред околу 15 години според дизајнот на др. Филип Таба и идеите на брачниот пар Нигрин кој живее во неа.
Основната идеја е живот без стрес и без грижи, односно според принципите по кои живееле нашите претци. Членовите живеат во склад со природата, јадат исклучиво органска храна која се одгледува на локалните фарми, а на располагање имаат и три гурмснски ресторани.
Домовите ги греат и ладат со помош на геотермални топлински пумпи, а големо внимание посветуваат на своето здравје и физичката активност. Жителите на Серенби работат во градините, јаваат коњи и секаде каде што можат одат пешки.
Во комуната има најразлични содржини: велнес – спа центар со студио за јога и пилатес, а на располагање имаат и заеднички голем базен.
Во Серенби најважнни се: љубовта кон природата, страста спрема животот и заедницата, како и креативноста. Комуната ја поттикнува и креативноста на своите жители и редовно организира уметнички предавања и изложби, прикажување на филмови за своите членови, како и за нивните гости.
