На 14 август 1988 година, почина Енцо Ферари, човекот кој создаде машина на која целиот свет сè уште се восхитува.
Животот на Енцо Ферари беше исполнет со тага, најмногу поради фактот што живееше за време на две светски војни, но и покрај тоа остави голема трага во светот.
Ферари потекнувал од богато семејство на кое никогаш ништо не му недостигало. Сè до Првата светска војна, кога машките членови на семејството Ферари отишле да ја бранат татковината. Енцо тогаш за влакно ја избегнал смртта, но не и неговите татко и брат кои загинале на бојното поле.
Семејството набрзо банкротирало, а Енцо се нашол на работ на егзистенција заедно со неговите мајка и сестра. Тогаш ги презел работите во свои раце и решил да го оствари својот детски сон и својата голема животна желба да ја претвори во дело.
Подоцна тоа ќе испадне дека е вистинскиот потег што му донесе огромно богатство!
Прво барал работа во Фиат, но бил одбиен. Немајќи друга перспектива за вработување, Ферари завршил со работа во мала автомобилска компанија „CMN“ (Costruzioni Meccaniche Nazionali), каде што редизајнирал каросерија на стари камиони и ги претворал во мали патнички автомобили.
Таму почнал да се трка во 1919 година. Потоа почнал да се трка за Алфа Ромео, но по неколку години сфатил дека не е толку добар возач како што мислел.
Вложувајќи се што му останало, почнал да ги подготвува автомобилите Алфа Ромео за возење.
Една од најпознатите карактеристики на сите времиња, коњот Ферари, првпат се појавил во борбените авиони управувани од Франческо Барака за време на Првата светска војна.
Во 1923 година, по една трка, Енцо Ферари ги запознал родителите на Барака и тие му предложиле, „за среќа“ и во спомен на нивниот син херој кој загинал пред крајот на војната, тој да додаде коњ во својот тркачки автомобил.
Жолтата, официјалната боја на Модена, родниот град на Енцо Ферари, е земена како позадина и се родила легенда. Во 1931 година, знакот на коњот што станал белег на брендот.
Ривалство од митски размери
Инаку, ривалството меѓу „Ламборџини“ и „Ферари“, компании кои ги произведуваат едни од најубавите автомобили во светот, во тоа време добило митски размери.
Ферари внимавал јавно да ги пофали возачите кои ги ризикуваат своите животи за неговиот тим, инсистирајќи дека секоја освоена трка е подеднакво заслужна за болидот и возачот.
Сепак, неговиот долгогодишен пријател и сметководител на компанијата Карло Бензи изјавил дека во неговиот приватен живот Ферари велел „дека автомобилот е одговорен за секој успех“.
Енцо Ферари починал на 14 август 1988 година во Маранело на 90 годишна возраст. Веста за неговата смрт била објавена само два дена подоцна за да се надомести задоцнетата регистрација на неговото раѓање, на негово барање.
Првиот автомобил што го носи неговото име започна со производство во 2003 година како Enzo Ferrari.
Италијанската мафија се обидела да му го украде телото
Група италијански мафијаши била уапсена бидејќи се обиделе да го украдат телото на Енцо Ферари, гигант во автомобилската индустрија, за да земат откуп од богатото семејство и познатата фабрика. Уапсената група криминалци е дел од мрежата на дилери на дрога и оружје, но тие често користат изнуда и рекетирање.
