Остатоците од авионот се појавија на глечерот Алеч, во југозападниот дел на кантонот Валис, во близина на врвовите Јунгфрау и Монч. Полицијата појасни дека остатоците биле пронајдени во четвртокот.
-Истрагата утврди дека се работи за делови од „пајпер чироки“, регистрација HB-OYL, кој на таа локација паднал на 30.06.1968 година. Понатамошните работи ќе бидат преземени во најкраток можен рок - се наведува во полициското соопштение.
Локалниот весник 24сата објаснува дека во авионот имало учител, лекар и неговиот син, сите од Цирих. Нивните тела биле пронајдени во истрагата водена веднаш по исчезнувањето на авионот во далечната 1968 година, но никогаш не биле пронајдени остатоците од авионот.
Остатоците биле забележани од планински водич за време на една од обиколките во областа. Поради климатските промени и топењето на глечерите, патеката за искачување е променета и сега поминува низ делот од планината каде што се наоѓале остатоците.
