Румеиса Гелги од Турција е висока 2 метри и 15 сантиметри и со оваа висина е највисоката жена на светот. Таа уште еднаш влезе во Гинисовата книга на рекорди, пишува Анадолија.
Гелги има 24 години и потекнува од Карабук. На неа и бил дијагностициран Виверов синдром – ретко генетско нарушување кое се карактеризира со прекумерен раст. Во разговор за Анадолија, таа потсети дека во 2014 година ја добила титулата највисок тинејџер во светот.
Таа и додала дека поднела барање за ново мерење и повторно ја добила титулата највисоката жена во светот.
-Мојата висина е повторно измерена. Рекордот е потврден. Горда сум што сум повторно рекордерка, изјавила Гелги.
Гелги во 2014 година била висока 2 метри и 13 сантиметри, а нејзината висина на последното мерење била 2 метри и 15 сантиметри.
