18-годишниот Калум Озборн-Вард исчезна во морето во пристаништето Пул, Дорсет, откако се обиде да спаси група од 10 деца кои ги повлече силна морска струја.
Во спасувањето му помогнале и неговите родители, а три деца биле пренесени во болницата, пренесува Мирор.
Локалната полиција соопшти дека не можат да го пронајдат Калум и не знаат дали тој испливал на брегот и се изгубил или се уште е на море.
- Соработуваме со крајбрежната стража и РНЛИ при обемни потраги на вода и крајбрежјето и го повикувам секој што има каква било информација за тоа каде се наоѓа - или што гледа младо момче што одговара на горенаведениот опис - веднаш да не контактира - рече Главниот полициски инспектор во Дорсет Глен Доран.
Во тек е обемна операција за потрага, крајбрежната стража, полицијата, хеликоптер и локалното население со чамци го бараат Калум.
Постои мала песочна плажа во Пул Харбор која е популарно место за локалното население, а минатата недела две девојчиња беа спасени од скоро давење поради силната струја што ги влечеше во длабочините.
Во британските води дури 15 лица се удавиле во последните 2 недели. Крајбрежната стража ги предупреди граѓаните да бидат внимателни при пливање и секогаш да ја проверуваат временската прогноза за да се избегнат вакви трагедии.
