Овој викенд се случила емотивна средба помеѓу татко и син кои не се виделе 57 години.
Ричард МекКлири последен пат го видел својот син Џими кога тој сè уште бил бебе, а потоа мајка му го дала бебето на посвојување и се изгубила трагата од него.
"Го држев двапати. Во моето срце имаше празнина 57 години", рече Ричард.
Кога пораснал, Џими решил да се обиде да ги најде своите биолошки родители и направил ДНК-тест не знаејќи дека Ричард го сторил истото. Кога откриле дека се поврзани, се покажало дека таткото и синот живеат на само 30 минути возење далечина, во Јужна Каролина, пренесува ABC News.
По емотивната прва средба, тие одлучиле да поминат некое време заедно, за да се запознаат и да надоместат од изгубеното време.
