Џереми Кларксон, познатиот ТВ презентер на емисиите „Top Gear“ и „Grand Tour“ неодамна го прослави својот 61 роденден. Во интервју за списанието „Сага“, тој сподели загриженост дека наскоро би можел да оди по стапките на многу пријатели и членови на семејството кои починале во тие години.

– Сите што ги познавам починаа на 61 година. Татко ми, сите мои пријатели, време е да си заминам. Ако можам да живеам до 62 години, ќе бидам тука засекогаш. Кога почина татко ми, мислев на него како на старец, но јас не се чувствувам така “, рече тој.

Неговиот татко Едвард Гренвил Кларксон почина во 1994 година.

– Кога ќе се видам на екраните, мислам кој е тоа? Јас секогаш очекувам 19-годишник, но старите луѓе не изгледаат како што мислиме дека треба, изјави Кларксон, кој сега е водител на популарната емисија „Кој сака да биде милионер!“

Инаку, оваа година, Џереми ја загуби својата поранешна колешка од шоуто „TopGreat“, Сабина Шмиц, која почина во Германија на 51-годишна возраст по тригодишна борба против рак.

Тој неодамна беше гостин во емисијата истата емисија, првпат по заминувањето во 2015 година, во епизодата посветена на Сабина Шмиц.

За време на Божиќните празници, Кларксон се зарази со коронавирус. Тогаш помислил дека е готов. Четири дена пред Божиќ, тој почнал да ги чувствува симптомите, па започнал да „гугла“. Во меѓувреме, пристигнал позитивен тест за коронавирус.

– Лекарот беше многу јасен. Ќе се чувствувам лошо помеѓу 5 и 14 дена. После тоа или ќе се чувствувам подобро или ќе треба да одам во болница. Со оглед на тоа што сум толку стар, дебел и пушев милион цигари во мојот живот и имав пневмонија, мислев дека најверојатно ќе умрам сам во пластичен шатор, призна Кларксон.

Тој се изолирал во викенд куќа со неговата девојка Лиса Хоган (46) и нејзините деца.

– Нема да лажам, беше прилично страшно, рече Кларксон, кој успеа да се опорави, иако истакнува дека сè уште ги чувствува последиците од коронавирусот.