Живите организми оставаат многу нешта зад себе, вклучувајќи различни секрети, измет и надворешни слоеви на мртво ткиво, а сите тие содржат уникатни траги од ДНК.
Инсектите не се исклучок. Од пајаци до бубачки, безрбетниците оставаат траги дури и на листовите од чај што ги јаделе или штотуку ги поминале.
Научниците откриле траги од дури 1.200 различни видови безрбетници во само 40 примероци од сушен чај и билки.
„Она што навистина ме изненади беше огромната разновидност што ја откривме“, вели генетичарот Хенрик Крехенвинкел од Универзитетот во Трир.
„Во една кесичка зелен чај најдовме траги од дури 400 видови инсекти“, објасни Крехенвинкел.
Севкупно, истражувачите открија траги од 3.264 видови безрбетници од примероци од чаеви и билки во продавниците во Германија, вклучувајќи предатори, тревопасни животни и паразити од целиот свет.
Тие пронајдоа ДНК траги од пајаци, лебарки, вошки, муви, пеперутки, богомолки и многу други инсекти.
Крехенвинкел и неговите колеги се сомневаат дека има толкава разновидност во трагите поради начинот на кој се обработуваат растенијата: растенијата се мелеат и фин ДНК материјал од сите делови на полето во кое се одгледуваат, кој се меша со растителен материјал кој потоа спакувани во вреќи.