По погребот на принцот Филип, нивниот дедо, принцовите Хари и Вилијам беа забележани како заминуваат и нешто разговараат, што е прв пат јавноста да ги види заедно откако помладиот брат се повлече од кралските должности.

Погребот на војводата од Единбург и сопруг на кралицата Елизабета Втора беше повод за оваа средба на принцовите по повеќе од една година

Врската помеѓу двајцата браќа се олади доста, особено по шокантното интервју што Хари и неговата сопруга Меган Маркл кај Опра Винфри.

Експертите за читање од усни тврдат дека Хари му рекол на својот брат дека погребот е „како што тој сакал“, пренесува британски Сан. Принцот Вилијам одговорил: “Да, беше сјаен, нели?”

Хари, наводно, контактирал со своето семејство пред да дојде од Велика Британија, првпат по една година, со цел да ги реши несогласувањата пред погребот на принцот Филип. Неговата сопруга Меган, која е во напредна бременост, наводно многу сакала да присуствува на погребот, но лекарите не и дозволиле.

За време на церемонијата, Хари и Вилијам се оддалечија во капелата седнаа на спротивните страни, свртени еден кон друг. По завршувањето на службата, браќата направија кратка прошетка заедно, а потоа, според читателите од усните, Вилијам рекол дека службата е убава, особено музиката.

Експерт за говор на тело Џуди Џејмс вели дека браќата се утешиле еден со друг по емотивната служба и дека изгледале „опуштено“ во „природниот момент на единство“ додека разговарале по погребот.

„Го видовме Хари како го гледаше Вилијам првиот пат кога излегоа од капелата, но кога тие (Вилијам и неговата сопруга Кејт Мидлтон) заминаа, Хари ги стигна и одеше и разговараше со нив. неколку моменти во пријателски разговор, Кејт се повлече да разговара со другите, оставајќи ги браќата сами во навидум релаксирана хармонија“, рече Џејмс.